今日放狗時係 lift 度遇到個嬸嬸...

佢話：宜家d靚女養狗仔唔養人仔
我話：養人仔唔容易架，要好多心機
佢話：咁又係丫....養人仔好勞氣
我問佢：你有無湊孫?
佢話：以前有，宜家無lu... 太辛苦，兼宜家d細路仔好難湊....
...太聰明喇，又曳又古惑。我俾返晒d仔女湊.....湊大四個，唔通仲要湊咩！
再傾左一輪............有d人生完又pat 俾老人家湊，老馮咁.....前世欠左佢咁。
我話：湊孫真係仲辛苦過打工....
佢話:你識諗就好lu..

近排聽到單新聞講一名狠心的16歲少年，卻把倉鼠放進微波爐加熱，導致倉鼠右後腿嚴重灼傷，最後被迫得人道毀滅。

聽完真係好心痛，唔明點解有些人會咁虐待小動物，小動物真係好無辜。
例如新聞之前又有個13歲0靚妹....話隻倉鼠咬爛佢屋企d傢俬.....罰隻倉鼠俾蛇食。
佢咁細個就咁狠毒咁記仇....都唔知幾時到大??!!!!!.... 唉，真係好討厭。

頭先我放狗...回程時等過馬路有架單車係我3隻狗前幾過.....後面有條中女細細聲講.... 車死d狗la....
果時好嘈又多人又黑...我唔敢肯定佢係咪真係咁講....... 如果俾我肯定到真係會鬧爆佢.......

討厭又無愛心既人多的是!!! 激氣


一張無知的小臉